5.11.2025 轉保險

／覺得阿爸阿媽份保險太貴，而保額又不足，所以諗解決方法。

／考慮以下因素：

人壽：年紀太大，買人壽保險槓桿不足，付出多收穫少，所以不考慮

醫療：醫療保險最重要，如果阿爸阿媽有咩事，都有醫療保險cover。

危疾：危疾保障係假設中招，保險公司一筆過賠特定金額，當作醫療或生活費。但因為阿爸阿媽生活費可以由我承擔，亦係有限數，所以只要病患能夠完全不用付出，壓力就不會太大。

住院：每住一日院，保險公司便會賠償部份金錢，但住院保險作用有限。

／決定將所有保險轉去bowtie pink 計劃，高端醫療普通病房每年有8,000,000保障額，終身40,000,000 ，如果claim 得足，都應該GG了。以五萬蚊墊底費為例，每年只需$25,000。一年已慳返兩皮嘢。

／今日成功6:30起到身，練咗半個鐘圖，值得鼓掌

／每次交易完，反思嘅位置應該係我可以點樣再入得靚啲？個價點樣可以攞得低啲？

／忽然有一個感慨，就係政府不斷印錢，其實手中的金錢不斷貶值，概念上應該要將金錢換做有價值的東西，法定貨幣維持低金額，夠食牛腩麵就可以。

／人類壽命越嚟越長，以往退休後將金錢換做保守投資可能已經不合時宜，至少將一半甚至更多換成進攻資產，會比較合適。

／留意電力股票，因為未來科技發展需要電力，實物資源，能源，金屬等等。